عن لون النور


لم أُخبركِ أبدا أن جبينكِ وضّاء،وضاء هل هي كلمة مناسبة؟؟؟
ربما لا، ربما لا يستحق الأمر أن نحكي عنه،أو ربما هو أعقد من أن نحكي عنه،أو ربما هو محض هرتلة جديدة تضاف الي هرتلاتي السابقة تماما كآيس كريم يحمل طعم البطاطا ،لكن في كل مرة تسيطر علىَّ فكرة واحدة كلما نظرتُ الي وجهك(سأقوم الآن لأقبل جبينها)لكني لا أفعلها أبداً، ربما لامتلاء العالم من حولي بالعيون ،ربما لأني لن أحتمل أي رد فعل ساخر منكِ بعدها ،أو ربما فقط لأنني أعلم جيداً أن قبلة علي الجبين مهما كانت دافئة لن تزيل عنه الألم.

About alexandmellia

سأكون يوما ما أريد..وما أكون

Posted on April 12, 2008, in ألوان and tagged . Bookmark the permalink. 16 Comments.

  1. رائد النجار

    بديعة انت
    يا فتاة بلون النور

  2. لأول مرة
    أتمنى -بجد- أن اتذوق آيس كريم البطاطا
    معنى جديد لمفردة أعرفها ككف يدي
    أو كنت أظنني أعرفا أكثر من الآخرين
    ربما
    أقول ربما
    تكونين أنتِ التي بعثها إليّ الله كي تعيد تشكيلها أمامي من جديد

    مازلت لا أصدق
    لكن القبلة وصلت بالدفء الذي أردتيه إليّ
    ولكِ مثلها🙂

  3. نهى جمـال

    كآيس كريم يحمل طعم البطاطا !

    تصدقي حسيته حيلو زي حاجة من الجنة
    وزي أول مرة عرفت إن فيه أيس كريم بالقهوة كنت حاسه إني بطير ساعة مطر

    يمكن لأنك صادقة هنا ، نادر اما اوصف حد إنه بطعم نقي أوي وانتي نقية بشكل أوي ياكاميليا
    ربنا يفرحك دوما باللي بتحبيهم ويسعدهم بوجودك جنبهم

    تعرفي إن مشكلة التعبير عن اللي جوانا اتجاه اللي بنعزهم مشكلة بنواجها دايما
    وأنا أكتر واحده تنفذها للأسف ببقى عايزة اقول كتير أوي وبشكل مزعج بس بسكت
    عيب شنيع فيا وساعات الناس بتفهمه اني مش مهتمه🙂

    بس يمكن لأننا بيبقى جوانا أشياء منهم بنعزها بشكل كبير وساعات ينفتقد وجودها بدونهم فبنخاف لأفواهنا تجرح قيمتها

    رغيت كتير أنا
    بس ربنا يسعدك وأكثر بلون النور
    زي ما حسيت ببعض راحة هنا

  4. مصطفى السيد سمير

    النور ماهوش الكترون متفجر
    ولا انعكاس الضوء على الكوكب
    النور مالوش وصف لكن حاوصفه
    النور مجرد روح في حالة حب

    حبيت ابتدي مع بهاء جاهين عشان تقريبا الموضوع واحد
    بالنسبة لموضوع وضاء
    في محلها تماما
    مش بس بالنسبة للجبين
    بالنسبة لكلامك

    تحياتييييييي

  5. محمد العدوي

    تسلم ايدك جدا ..

  6. جميل أوي

    🙂

  7. عشان أول مرة أجي مدونتك
    مدونتك جميلة جدا

    عجبني أوي

    أرض البوار
    عميق ومكتوب بحرفية عالية

    ولعب عيال
    فيه سلاسة في الحكي وعذوبة لا متناهية
    جميل جدا جدا جدا

  8. ازيك
    قبلة على الجبين وعلى ايدها لما نكون حساس انى هموت لو ما عملتش ده رغم الضحك اللى هيحصل بعده والسخرية بس هى حاسه اكيد
    كاميليا ان شاء الله خير

  9. رقيقة
    ولكن حقاً احياناً القبلات مهما كانت
    دافئة لا تكفي لأزالة الألم …

  10. متخليش فى نفسك حاجة يا كاميليا احسن وسيلة لقتل الرغبة اشباعها
    تحياتى

  11. Camellia Hussein

    رائد:
    يا هلا بأهل الشام
    تشكر يا سيدي
    منور
    ———-
    ملكة:
    جاري البحث عن طريقة لاختراع آيس كريم بالبطاطا
    أحلام سيادتك أوامر
    ———
    نهي جمال:
    مش عارفة اقولك ايه ع الكلام الجامد اللي انا مش قده ده
    بالنسبة لمشاعرنا اللي ما بنعرفش نعبر عنها أنا معاكي اوي في فكرة اننا بنخاف عليها للكلام يقلل من قيمتها
    بس متهيالي ان المشاعر الجميلة تزيد قيمتها اكتر لما توصل للي يستاهلوها ما تقلش
    تحياتي ليكي

  12. Camellia Hussein

    مصطفي السيد:
    ايه الجمال ده يا عمنا
    ربنا يكرمك يا رب
    —————–
    محمد العدوي:
    الله يسلمك يا فندم
    ——–
    معاذ:
    مبسوطة اوي انهم عجبوك ويارب اللي جاي يعجبك كمان:)
    ومنورني جدا
    ————-
    حسني:
    ايه الهنا اللي انا فيه ده
    فينك يابني وحشتني بشكل بشع

  13. Camellia Hussein

    حمامة:
    ما هو ده اللي بيخوف لما يكون ده كل اللي في ايدك ورغم ده مش كفاية
    ———–
    راجي:
    يمكن ده يكون حقيقي لما الرغبة تكون متعلقة بيك لوحدك بس لما آخر بيخش في الموضوع…منورني جدا

  14. محمد عبد الغفار

    ستزيل حتماً

    قد لا يكون كل الألم ولكنها لابد ان تزيل شئ

  15. Camellia Hussein

    محمد عبد الغفار:
    عساها تفعل

  16. الإتربي اللولبي

    إن أنثر النجمات حول كيانك الوضاء غني

    سأطارد التاريخ بحثا عنك في إنــس و جن

    أنى رسمت ملامحي فلتغمسي في النـــور لوني

    لا ترفضي السيل العرمرم من خيال أو تمني

    حامد الإتربي

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: